საქართველოს მთავრობის მიერ აზარტული თამაშების კონტროლის გაზრდის ფონზე, SiGMA News-ის გუნდმა რამდენიმე  შეკითხვა დაუსვა საქართველოს სათამაშო ბიზნესის ასოციაციას (GGA). GGA-ს ადმინისტრაციის უფროსმა გიორგი მამულაიშვილმა კომენტარი გააკეთა იმ რეგულაციებზე, რომელთა გატარებას სახელმწიფო უახლოეს მომავალში გეგმავს.

როგორ აკონტროლებს საქართველო აზარტული თამაშებთან დაკავშირებულ კანონდარღვევებს?

საქართველოში მონიტორინგის სისტემა 2021 წლიდან უკვე ამოქმედდა და კომპანიის მონაცემებს ყოველდღიურად იღებს რეგულატორი, რომელიც მათ აანალიზებს და გადასცემს საგადასახადო ინსპექციას. ეს რთული პროცესია და მუდმივად  ვითარდება და იხვეწება. ვინაიდან სათამაშო ბიზნესი ხშირად ნერგავს და იყენებს ახალ ტექნოლოგიებს, აუცილებელია ფსონების მონიტორინგისა და აღრიცხვის სისტემის მუდმივი განახლება. როგორც ონლაინ, ისე ოფლაინ აღრიცხვა ხორციელდება რეალურ დროში, ეს კი ბიზნესს უფრო გამჭვირვალეს ხდის.

შეზღუდავს თუ არა მთავრობა სხვადასხვა გადახდის სისტემებს?

მთავრობა დაინტერესებული საზოგადოებისა და ბიზნესის დახმარებით მუდმივად ებრძვის არალეგალურ ოპერატორებს და მაქსიმალურად ცდილობს მათ დისკომფორტი შეუქმნას სხვადასხვა გზით. თუმცა, არალეგალური საიტებზე თანხის ჩარიცხვის მრავალი ალტერნატივა არსებობს, მათ შორის კრიპტო საფულეები და ელექტრონული საფულეების მეშვეობით.  არალეგალური ოპერატორების წინააღმდეგ ბრძოლის მხოლოდ ერთი გზაა არსებობს და ეს პრაქტიკაშიც არაერთხელ დადასტურდა: ადგილობრივი ლეგალური ოპერატორის განვითარება ხელს უწყობს არალეგალური ოპერატორების შემცირებას. ლეგალური ოპერატორების შეზღუდვა კი პირიქით, ხელს უწყობს მათ განვითარებას და უკანონო ფულის ბრუნვის ზრდას.

საქართველოში გადახდის სისტემები ძალიან კარგად არის განვითარებული და ლეგალური ოპერატორებისთვის სისტემების დაბლოკვა არ განიხილება. ყველა ოპერატორმა უნდა დაიცვას მარეგულირებლისა და ეროვნული ბანკის მიერ დადგენილი წესები: მომხმარებლის ვერიფიკაციისა და იდენტიფიკაციის სისტემის შემუშავება, ასევე AML და KYC წესების დაცვა სავალდებულოა და ყველა საქართველოში რეგისტრირებული ოპერატორი იცავს ამ წესებს.

თქვენი აზრით, რამდენად რეალურია პრემიერის განზრახვა ქვეყანაში აზარტული თამაშების აკრძალვის შესახებ?

საქართველოში ონლაინ კაზინოებს აკრძალვის საფრთხე არ დგას. პირველ რიგში, ონლაინ კაზინოები სახელმწიფო ბიუჯეტის ერთ-ერთი მთავარი კონტრიბუტორია. მეორეც, ონლაინ კაზინოების აკრძალვა მხოლოდ დამატებით უკანონო ოპერატორების გაჩენას გამოიწვევს, რომლებიც ზიანს აყენებენ როგორც მთავრობას, ასევე საზოგადოებას.  აკრძალვები, როგორც არაერთხელ მითქვამს, არაეფექტურია.   ჩვენ ვნახეთ სხვადასხვა ქვეყნების პრაქტიკა, სადაც აკრძალვის შემდეგ გამოჩნდნენ არალეგალური ოპერატორები და ეს უარყოფითად აისახა როგორც საზოგადოებაზე, ასევე მთავრობაზე.  

ლეგალური ოპერატორი არა მხოლოდ იცავს კანონს და იხდის გადასახადებს. ის ავითარებს აზარტულ თამაშებთან დაკავშირებულ ბიზნეს სექტორებს, როგორიცაა IT, გადახდის სისტემები და სპორტი. მაგალითად, 2022 წელს ოპერატორებმა სახელმწიფო ბიუჯეტში გადაიხადეს 700 მილიონ ლარზე მეტი (264 მილიონი აშშ დოლარი). ამიტომ სათამაშო ბიზნესი უნდა იყოს ლეგალური და სახელმწიფოს მიერ კონტროლირებადი.

რამდენი ადამიანია ახლა დარეგისტრირებული თამაშზე დამოკიდებულთა ოფიციალურ ბაზაში?

ამ ბაზას ორ ნაწილად გავყოფ. საქართველოს კანონის მიხედვით , ნებისმიერ მოქალაქეს შეუძლია თავი გამოირიცხოს აზარტული თამაშებისგან არა მხოლოდ სახელმწიფოსთან, არამედ, პირველ რიგში, ოპერატორთან. შესაბამისად, სახელმწიფო მონაცემთა ბაზა არ იძლევა საქართველოში აზარტულ თამაშებზე დამოკიდებულების სრულ სტატისტიკას. გარდა ამისა, ამავე ბაზაში დარეგისტრირებული არიან მომხმარებლები, რომლებსაც უბრალოდ აღარ სურთ ჰქონდეთ წვდომა აზარტულ თამაშებზე. მაგრამ ეს აპრიორი არ ნიშნავს რომ ისინი აზარტულ თამაშებზე დამოკიდებულნი არიან

მონაცემთა ბაზაში დღეის მდგომარეობით რეგისტრირებულია 12 720 ადამიანი, მათგან 39 სასამართლოს გადაწყვეტილებით. ჩემი აზრით მხოლოდ ეს 39 ადამიანია აზარტული თამაშებზე დამოკიდებული. თუნდაც ავიღოთ ყველა რეგისტრირებული ადამიანი, ვინც დარეგისტრირებულია აღნიშნულ ბაზაში, მათი პროცენტი არ აღემატება მსოფლიოში აზარტულ თამაშებზე დამოკიდებულთა საშუალო რაოდენობას – ქვეყნის მოსახლეობის 0,3%-ს.