,,პერსონალურ მონაცემთა დაცვის შესახებ'' ახალი კანონის ძირითადი ნაწილი ძალაში 2024 წლის 1 მარტს შევიდა.19 აპრილს ქ. თბილისში საქართველოს სათამაშო ბიზნესის ასოციაციის ორგანიზებით  გაიმართა სამუშაო შეხვედრა სიახლეების გაცნობის მიზნით მონაცემთა დაცვის საკითხებზე. 

შეხვედრის ფარგლებში, პერსონალური მონაცემთან დაცვის სამსახურის უფროსის აპარატის ხელმძღვანელმა ნიკოლოზ პოპიაშვილმა „საქართველოს სათამაშო ბიზნესის  ასოციაციის“ წარმომადგენლებს დეტალურად წარუდგინეს  ის ცვლილებები და სიახლეები, რომლებიც ტექნოლოგიების სფეროში, ბიზნეს საქმიანობისა და შიდა პროცესების კანონმდებლობასთან შესაბამისობისთვის არის მნიშვნელოვანი. ასევე, მომხსენებლებმა ბიზნეს ოპერატორებს განუმარტეს პერსონალური მონაცემთა დაცვის  სამსახურის მანდატი, ფუნქციები, საქმიანობის სპეციფიკა და საერთაშორისო სტანდარტების დანერგვის აუცილებლობა. შეხვედრას სათამაშო ბიზნესის ასოციაციის წევრების შესაბამისი სამსახურის ხელმძღვანელები ესწრებოდნენ.
მომხსენებლებმა მიმოიხილეს ისეთი მნიშვნელოვანი საკითხები, როგორებიცაა პერსონალურ მონაცემთა დაცვის სამსახურის მანდატი, მონაცემთა დამუშავების კანონიერება, სუბიექტის უფლებები და მათი შეზღუდვის საფუძვლები, ვიდეო და აუდიო მონიტორინგის გზით მონაცემთა დამუშავების კანონიერება, მონაცემთა დაცვის ოფიცერი, სამსახურისთვის ინციდენტის შეტყობინების ვალდებულება და ა.შ.