სათამაშო ბიზნესის ასოციაცია კვლავ ადასტურებს თავის ერთგულებას სოციალური პასუხისმგებლობის მიმართ და აქტიურად ჩაერთო ბავშვთა დაცვის დღისადმი მიძღვნილ საქველმოქმედო ღონისძიებაში – „ერთად დავძლიოთ აუტიზმი“.

ღონისძიება მიზნად ისახავდა აუტისტური სპექტრის მქონე ბავშვების მხარდაჭერასა და საზოგადოების ცნობიერების ამაღლებას. ასოციაციამ ღონისძიების ფარგლებში აუტისტური სპექტრის მქონე ბავშვებს ფულად დახმარება გაუწია, ხოლო შეზღუდული შესაძლებლობების მქონე პირებს გადაეცემათ სპეციალური ინვენტარი, რომელიც ხელს შეუწყობს მათ განვითარებასა და ყოველდღიურ ცხოვრებაში სრულფასოვან ჩართულობას.

ასოციაცია მომავალშიც გეგმავს მსგავსი ინიციატივების მხარდაჭერას და მოუწოდებს კერძო სექტორის წარმომადგენლებს, გააქტიურდნენ სოციალური პასუხისმგებლობის მიმართულებით და ერთად შევქმნათ უფრო ინკლუზიური და თანაგრძნობით სავსე საზოგადოება.