რამდენიმე დღის წინ პოკერ კლუბის მენეჯმენტის პორტალმა გაავრცელა ინფორმაცია , რომ 2022 წლის 1 მარტიდან ქართველი მომხმარებლები PokerStars- ში თამაშს ვეღარ შეძლებენ . 

გავრცელებულია ინფორმაცია, რომ საქართველოში მოთამაშეებს თებერვლის ბოლომდე აქვთ დრო, რომ თავიანთი ანგარიშებიდან სრული თანხა გამოიტანონ. მომხმარებლებისთვის ხელმისაწვდომი ყველა ბონუსი დაკონვერტირდება რეალურ ფულში. 

კომპანიის წასვლის მიზეზები უკავშირდება ახალ რეგულაციებს - აზარტული თამაშების რეკლამის აკრძალვა, სათამაშო ბიზნესისთვის გადასახადების გაზრდა და მოთამაშეთა ასაკობრივი ბარიერის გაზრდა. ცვლილებები ნაწილობრივ საქართველოში იანვარში შევიდა ძალაში. 

კანონის მიხედვით, 2022 წლის 1 იანვრიდან სექტორის საგადასახადო ბაზა 65-70%-ით გაიზარდა, 1 მარტიდან კი სათამაშო ბიზნესის სატელევიზიო და გარე რეკლამა და ქართულ ვებ-გვერდებზე განთავსება აიკრძალება. რეკლამა დაიშვება მხოლოდ სპორტული ღონისძიების ჩატარების ადგილზე - სპონსორობის ხელშეკრულების პირობებით. 

გაზაფხულზე აზარტულ თამაშებში მონაწილეობის ასაკობრივი შეზღუდვებიც ამოქმედდება - მათზე წვდომა 25 წლამდე პირებს დაუკეტავთ. შეზღუდვები, სხვა საკითხებთან ერთად, შეეხება მოსახლეობის სოციალურად დაუცველ სეგმენტებს - სახელმწიფოსგან შემწეობას, ასევე საჯარო მოხელეებს, პირებს, რომლებიც მიმართავენ შემოსავლების სამსახურს თვითშეზღუდვის მექანიზმის გამოყენების მოთხოვნით და მოქალაქეებს, რომლებიც ოჯახის წევრების მოთხოვნით სასამართლოს გადაწყვეტილებების საფუძველზე მოხვდნენ „შავ სიაში“.  

მთელ მსოფლიოში აზარტული თამაშების სრული ლეგალიზაცია არის განვითარებული ქვეყნების პოლიტიკა.  სფეროს  ლეგალიზებას რამდენიმე მნიშვნელოვანი ფუნქცია აქვს. ერთ-ერთი მთავარი კი ეკონომიკურია, რადგან აზარტული თამაშების ინდუსტრია ასტიმულირებს ეკონომიკის მონათესავე სექტორების განვითარებას.  

ამ მხრივ გამონაკლისი არც საქართველოა, სადაც აზარტული თამაშების ბაზრის ზრდას თან ახლდა ბიზნეს აქტივობის ზრდა მრავალ ინდუსტრიაში. თუმცა ახალი კანონპროექტით გათვალისწინებული ცვლილებების შედეგად დაზარალდა და დაზარალდება ძალიან ბევრი სექტორი;  

გათვალისწინებული არაა იმ საერთაშორისო კომპანიების ინტერესები, რომლებმაც, წლების განმავლობაში, საქართველოში უმსხვილესი ინვესტიცია განახორციელეს – შესაბამისად, ეს იქნება გამაფრთხილებელი გზავნილი იმ კომპანიებისთვის, რომლებიც საქართველოში ინვესტირებას და შესაბამისად, ადგილობრივ ეკონომიკაში ახალი ბიძგის შეტანას გეგმავენ. საგადასახადო კანონმდებლობაში მოსალოდნელი ცვლილებები ასევე ეწინააღმდეგება საქართველოს კონსტიტუციით განსაზღვრულ გარანტიებს და არღვევს დიდ ბრიტანეთთან და შვედეთთან გაფორმებულ „ინვესტიციების დაცვის შესახებ“ ხელშეკრულებებით დადგენილ პირობებს.

წყარო: https://sbccis.com/obshhie/2022/02/18/pokerstars-uhodit-iz-gruzii/