საქართველოს სათამაშო ბიზნესის ასოციაციამ (GGA) და მისმა წევრმა კომპანიებმა, საქართველოს სამშვიდობო სპორტული პროექტების ორგანიზატორ გიორგი სამხარაძესთან ერთად, ხელი შეუწყვეს კონფლიქტის ზონასა და დევნილთა დასახლებებში მცხოვრები ბავშვების ტრანსპორტირებას.

ინიციატივის ფარგლებში, ბავშვებს მიეცათ შესაძლებლობა დასწრებოდნენ 2 მარტს ავჭალის სარაგბო სტადიონზე გამართულ საქართველოსა და რუმინეთის ნაკრებების მატჩს. GGA-ს მხარდაჭერამ ამ ბავშვებს ეროვნული გუნდის ქომაგობისა და დაუვიწყარი სპორტული გამოცდილების მიღების შესაძლებლობა მისცა.