ფინანსური სირთულეების მქონე Star Entertainment Group-მა გამოაცხადა, რომ გაყიდის The Star Sydney Event Centre-ს და მასთან დაკავშირებულ ობიექტებს The Star Sydney-ში, რომლებსაც იყიდის Foundation Theatres.  გარიგების საერთო ღირებულებით 60 მილიონი ავსტრალიური დოლარი (37.5 მილიონი აშშ დოლარი).

ეს ნაბიჯი გაკოტრების თავიდან ასაცილებლად არის გადადგმული. კომპანიის განცხადებით, მან უკვე გააფორმა ექსკლუზიურობის შეთანხმება და სავალდებულო პირობების დოკუმენტი, რომელიც განსაზღვრავს გაყიდვის ძირითად პირობებს. გარიგების საბოლოოდ დასრულებამდე საჭიროა დეტალური ტრანზაქციის დოკუმენტაციის მომზადება და შესაბამისი სამთავრობო და მარეგულირებელი ორგანოების მხრიდან დამტკიცება.

Foundation Theatres ვალდებულია 2025 წლის 31 იანვრამდე 60 მილიონი ავსტრალიური დოლარი გადაიტანოს escrow ანგარიშზე. ეს თანხა Star Entertainment Group-ს გარიგების საბოლოოდ დასრულების შემდეგ გადაეცემა.

მიღებული თანხა ჩაირიცხება სპეციალურ ანგარიშზე, რომელიც შექმნილია კომპანიის საკრედიტო შეთანხმების შესაბამისად და კლასიფიცირდება როგორც შეზღუდული სახსრები, – განმარტავს Star Entertainment Group.

Star Entertainment Group-ის აღმასრულებელმა დირექტორმა, სტივ მაკკენმა, განაცხადა:
„2011 წლიდან მჭიდროდ ვთანამშრომლობთ Foundation Theatres-თან, მას შემდეგ, რაც მათ Sydney Lyric-ის სუბლიზინგი შეიძინეს. მოხარულები ვართ, რომ მათთან პარტნიორობა გრძელდება და ამით ვაფართოებთ ჩვენი გასართობი შეთავაზებების სპექტრს The Star Sydney-ში.“

კომპანია აგრძელებს მუშაობას სხვა არასაბაზო აქტივების შესაძლო გაყიდვაზეც.

Star-ისთვის არასაბაზო აქტივების გაყიდვა გადარჩენის ერთ-ერთ ბოლო შესაძლებლობად მიიჩნევა, რადგან კომპანიის თქმით, საჭირო ფინანსების მოზიდვის შესაძლებლობები მნიშვნელოვნად შეზღუდულია.

მანამდე Star-მა განაცხადა, რომ დეკემბერში აღებული 100 მილიონი ავსტრალიური დოლარის საკრედიტო ხაზის დიდი ნაწილის გამოყენების შემდეგ, 2024 წლის 31 დეკემბრისთვის კომპანიას მხოლოდ 79 მილიონი ავსტრალიური დოლარი დარჩება.

წყარო