https://sbceurasia.com/obshhie/2025/01/23/rynok-bolgarii-kljuchevye-momenty-v-intervju-s-rumenom-specovym-chast-2/

ბულგარეთის ბაზარი: ძირითადი პუნქტები რუმენ სპეცოვთან ინტერვიუში. ნაწილი 2

ეს არის ინტერვიუს გაგრძელება და მეორე ნაწილი, რომელიც ჩატარდა ბულგარეთის შემოსავლების ეროვნული სააგენტოს (NRA) გენერალურ დირექტორთან, რუმენ სპეცოვთან. ამ ნაწილში ყურადღება გამახვილდება ქვეყნის პოტენციალზე შავი ბაზრის წინააღმდეგ ბრძოლის, საერთაშორისო თანამშრომლობის გაძლიერების და ახალი წლისთვის ახალი ტენდენციების დასახვის საკითხებზე.

თქვენ აქტიურად მუშაობთ შავი ბაზრის კონტროლის გაძლიერებაზე ქვეყანაში. შეგიძლიათ გვიამბოთ მეტი ამ მიმართულებით თქვენს მუშაობასა და მიღწეულ პროგრესზე?

–ბულგარეთში აზარტული თამაშების სექტორში შავი ბაზრის კონტროლი მარეგულირებლებისთვის ერთ-ერთ მთავარ პრიორიტეტს წარმოადგენს. სამუშაოს ძირითადი მიმართულებები მოიცავს:

გაძლიერებული შემოწმებები და ინსპექტირება

მარეგულირებლები ატარებენ რეგულარულ ინსპექტირებას ფიზიკურ ობიექტებსა და ონლაინ პლატფორმებზე. შემოწმების მიზანია არალიცენზირებული ოპერატორების გამოვლენა და უკანონო ქმედებების პრევენცია.

სამართალდამცავ ორგანოებთან თანამშრომლობა

უკანონო სათამაშო საქმიანობის გამოძიების მიზნით აქტიური თანამშრომლობა მიმდინარეობს პოლიციასა და პროკურატურასთან. ერთობლივი ოპერაციების ორგანიზება უკვე დამკვიდრებული პრაქტიკაა.

საგანმანათლებლო კამპანიები

გაწეული ძალისხმევის მნიშვნელოვანი ნაწილი საზოგადოების ცნობიერების ამაღლებას ეხება, განსაკუთრებით შავი ბაზრის რისკების შესახებ. კამპანიები ხაზს უსვამს თამაშის მნიშვნელობას ლიცენზირებულ ოპერატორებთან  და არალეგალური პლატფორმების გამოყენების შესაძლო საფრთხეებს.

ახალი ტექნოლოგიები

ონლაინ თამაშების აქტივობის მონიტორინგისა და ანალიზისთვის ტექნოლოგიის გამოყენება ხელს უწყობს არალიცენზირებული პლატფორმების იდენტიფიცირებას. მარეგულირებლები იყენებენ სპეციალურ ინსტრუმენტებს ტრაფიკისა და ფინანსური ტრანზაქციების მონიტორინგისთვის.

ლიცენზირება და სანქციები

ლიცენზირებული ოპერატორები ვალდებულნი არიან დაიცვან ყველა მარეგულირებელი მოთხოვნა და სტანდარტი. კონტროლის სტრატეგიის მნიშვნელოვანი ნაწილია ასევე არალიცენზირებული ოპერატორების მიმართ მკაცრი სანქციების დაწესება.

ცვლილებები კანონმდებლობაში

შავი ბაზრის წინააღმდეგ ბრძოლის ეფექტურობის გასაზრდელად ხორციელდება საკანონმდებლო ცვლილებები. მარეგულირებლები აქტიურად მუშაობენ სამართლებრივი ნორმების დახვეწაზე, რათა გააძლიერონ ანგარიშვალდებულება და გაამკაცრონ ზომები კანონდამრღვევთა მიმართ.

დასასრულს, აზარტული თამაშების სექტორში შავი ბაზრის კონტროლზე მუშაობა მუდმივად ვითარდება და მოითხოვს სხვადასხვა ინსტიტუტებსა და დაინტერესებულ მხარეებს შორის თანამშრომლობას. მიზანი არა მხოლოდ ლეგიტიმური ბიზნესის დაცვაა, არამედ მოთამაშეებისთვის უსაფრთხო და პასუხისმგებელიანი სათამაშო გარემოს უზრუნველყოფა.

– ბოლო პერიოდში თქვენ მონაწილეობა მიიღეთ აზარტული თამაშებისადმი მიძღვნილ რამდენიმე საერთაშორისო კონფერენციაში. არსებობს თუ არა სხვა ქვეყნების წარმატებული გამოცდილება, რომლის დანერგვასაც ბულგარეთში გეგმავთ?

– ასეთ კონფერენციებზე განიხილება მრავალი ინოვაცია და მიდგომა სხვადასხვა ქვეყნიდან, რომელიც შეიძლება სასარგებლო იყოს ბულგარეთისთვის. გვაქვს რამდენიმე იდეა, რომელთა განხორციელებაც, ჩემი აზრით, ღირს.

ინტეგრირებული კონტროლის სისტემები

ბევრ ქვეყანას აქვს აზარტული თამაშების მონიტორინგის ცენტრალიზებული პლატფორმები, რომლებიც აერთიანებს სხვადასხვა ოპერატორების მონაცემებს. ეს უკანონო ქმედებების უფრო ეფექტური მონიტორინგისა და კონტროლის ეფექტიანობის გაზრდის საშუალებას იძლევა. ამჟამად მსგავსი სისტემა მხოლოდ ონლაინ ოპერატორებისთვის არსებობს, თუმცა მისი შემუშავება და დანერგვა ყველა მათგანისთვის იქნება შესაძლებელი.

პასუხისმგებელიანი სათამაშო პროგრამები

წარმატებული პასუხისმგებლიანი თამაშების პრაქტიკა, მათ შორის თვითმონიტორინგის ინსტრუმენტები და დამხმარე პლატფორმები, შესაძლოა ადაპტირებული და დანერგილი იყოს ბულგარეთში. მსგავსი პროგრამები მოთამაშეებს სთავაზობს რესურსებსა და ინფორმაციას, რომლებიც ხელს უწყობს დამოკიდებულების რისკის შემცირებას.

ოპერატორების სოციალური პასუხისმგებლობა

სხვა ქვეყნებში არსებული მოდელები, სადაც ოპერატორებს ავალდებულებენ, ინვესტირება მოახდინონ სოციალურ ინიციატივებსა და პროექტებში, რომლებიც მიზნად ისახავს აზარტული თამაშების დამოკიდებულების პრევენციას, შესაძლოა, ჩვენს ქვეყანაშიც სასარგებლო აღმოჩნდეს.

ტექნოლოგიური ინოვაციები

ახალი ტექნოლოგიების გამოყენებამ, როგორიცაა ბლოკჩეინი, ტრანზაქციების გამჭვირვალობისა და უსაფრთხოების უზრუნველსაყოფად, ან ხელოვნური ინტელექტის მონაცემთა ანალიზისა და მოთამაშის ქცევის გამოყენებამ შეიძლება გააუმჯობესოს აზარტული თამაშების მართვა და გაზარდოს მომხმარებელთა ნდობა.

საგანმანათლებლო ინიციატივები

ზოგიერთ იურისდიქციაში წარმატებით განხორციელდა საგანმანათლებლო კამპანიები, რომლებიც საზოგადოების და ახალგაზრდობის ინფორმირებას ემსახურებოდა აზარტული თამაშების რისკების შესახებ. მსგავსი მიდგომების ადაპტირება ბულგარეთში შესაძლოა ეფექტური იყოს ცნობიერების ამაღლების მიზნით.

ჩვენ უკვე ვდგამთ ნაბიჯებს ამ მიმართულებით. მაგალითად, წელს ჩვენ დავიწყეთ ერთობლივი კამპანია შემოსავლების ეროვნულ სააგენტოს (NRA) და საბაჟო სააგენტოსთან ერთად, სახელწოდებით „შენ მარტო არ ხარ“. ინიციატივა მიზნად ისახავს მოზარდების განათლების ამაღლებას აზარტული თამაშების (NRA-დან) და ნარკომანიის რისკების შესახებ, ასევე ხელს უწყობს უსაფრთხო და მრავალფეროვან დასვენების ალტერნატივებს, როგორიცაა სპორტი, მუსიკა, თეატრი და სხვა ხელოვნება.

ამ კამპანიით გვინდა მივაღწიოთ რაც შეიძლება მეტ ახალგაზრდამდე, მივაწოდოთ ინფორმაცია აზარტული თამაშების რისკების შესახებ და ვაჩვენოთ, როგორ შეიძლება მათი თავიდან აცილება.

– მზად არის თუ არა შემოსავლების ეროვნული სააგენტო (NRA) ითანამშრომლოს სხვა მარეგულირებელ ორგანოებთან და მოახდინოს თავისი პრაქტიკის ჰარმონიზაცია? შეგიძლიათ მოგვიყევით კონკრეტული მაგალითები?

– ბულგარეთის ეროვნული შემოსავლების სააგენტო (NRA) დიდ ინტერესს გამოხატავს სხვა მარეგულირებელ ორგანოებთან თანამშრომლობისა და პრაქტიკის ჰარმონიზაციის მიმართ, განსაკუთრებით არალეგალურ აზარტულ თამაშებთან ბრძოლისა და საგადასახადო შემოსავლების ეფექტურობის გაუმჯობესების საკითხებში. შეგვიძლია განვიხილოთ რამდენიმე მაგალითი:

ინფორმაციის გაცვლა

NRA აქტიურად მონაწილეობს ინფორმაციის გაცვლის საერთაშორისო ქსელებში სხვა ქვეყნების მარეგულირებელ ორგანოებთან, რაც საუკეთესო პრაქტიკისა და აზარტული თამაშების აქტივობებთან დაკავშირებული მონაცემების გაზიარების საშუალებას იძლევა.

ღონისძიებები და კონფერენციები

სააგენტო მონაწილეობს საერთაშორისო კონფერენციებსა და სემინარებში, სადაც განიხილება აქტუალური თემები და გამოწვევები სხვა იურისდიქციების წარმომადგენლებთან ერთად. ეს იძლევა იდეებისა და სტრატეგიების გაცვლის შესაძლებლობას.

 

 

 

ერთობლივი პროექტები

ევროკავშირის ქვეყნებიდან რამდენიმე მარეგულირებელი აწყობს ერთობლივ პროექტებსა და ინიციატივებს, რომლებიც მიზნად ისახავს აზარტული თამაშების სექტორში რეგულირებისა და კონტროლის სტანდარტების ამაღლებას.

NRA ჩართულია მსგავს ინიციატივებში, მათ შორის ტრენინგებსა და სამუშაო ჯგუფებში, მაგალითად, ჰოლანდიის მარეგულირებელთან ერთად ბულგარეთისა და ნიდერლანდების ფინანსთა სამინისტროებს შორის შეთანხმების ფარგლებში.

ტექნოლოგიური გადაწყვეტილებები

არსებობს თანამშრომლობა სხვა იურისდიქციებთან აზარტული თამაშების მონიტორინგისა და კონტროლის ახალი ტექნოლოგიების დანერგვის სფეროში, რაც ხელს უწყობს NRA-ს ეფექტურობის გაუმჯობესებას.

- რა არის თქვენი პრიორიტეტები 2025 წლისთვის?

– 2025 წლისთვის ბულგარეთში სათამაშო სექტორის განვითარების ძირითადი პრიორიტეტები შეიძლება დავყოთ შემდეგ კატეგორიებად:

მარეგულირებელი ბაზის გაძლიერება

თანამშრომლობა კანონმდებლობის განახლებასა და გაუმჯობესებაზე გამჭვირვალობისა და მარეგულირებელი ეფექტურობის გაზრდის მიზნით, განსაკუთრებით ონლაინ აზარტული თამაშების კონტექსტში.

შავ ბაზართან ბრძოლა

ძალისხმევის გაფართოება უკანონო აზარტული თამაშების კონტროლისა და მონიტორინგისთვის, მათ შორის, გაუმჯობესებული თანამშრომლობა სამართალდამცავ ორგანოებთან და საერთაშორისო სააგენტოებთან.

პასუხისმგებლიანი თამაშების მხარდაჭერა

ახალი ინიციატივებისა და პროგრამების შემუშავება პასუხისმგებლიანი თამაშების ხელშეწყობისთვის, მათ შორის საგანმანათლებლო კამპანიებისა და ინსტრუმენტების განვითარება მოთამაშის თვითმონიტორინგისათვის.

ტექნოლოგიური ინოვაციები

ინვესტიცია ახალ ტექნოლოგიებში აზარტული თამაშების უსაფრთხოების, მონიტორინგისა და მენეჯმენტის გასაუმჯობესებლად, ბლოკჩეინისა და ხელოვნური ინტელექტის  დაფუძნებული გადაწყვეტილებების დანერგვის ჩათვლით.

 

 

სოციალური პასუხისმგებლობა

ოპერატორების ჩართულობის გაზრდა სოციალურ ინიციატივებსა და პროექტების დაფინანსებაში, რომლებიც მიზნად ისახავს აზარტული თამაშების დამოკიდებულების პრევენციას და მოწყვლადი ჯგუფების მხარდაჭერას.

განათლება და ცნობიერება

აზარტული თამაშების რისკებისა და ლიცენზირებულ ოპერატორებთან ურთიერთობის სარგებლობის შესახებ საზოგადოების ცნობიერების ამაღლება აქტიური კამპანიებისა და საგანმანათლებლო პროგრამების მეშვეობით.

 

წყარო