საქართველოს სათამაშო ბიზნეს ასოციაციის ორგანიზებით ქალაქ თელავში 4-5 ნოემბერს ჩატარდება კონფერენცია თემაზე: „როგორ მანიპულირებენ რიცხვებით სათამაშო ბიზნესის წინააღმდეგ - აზარტული თამაშების საქმიანობებით დაკავებული საწარმოების სტატისტიკის მეთოდოლოგიური თავისებურებანი “ ციფრულმა მედიამ ინფორმაციის გავრცელების დღის წესრიგი და დინამიკა შეცვალა. სოციალურ მედიაში ხშირად სათამაშო ბიზნესზე არასწორი ფაქტები და მონაცემები ვრცელდება, რაც ბუნდოვანებას და სპეკულაციის საფუძველს ქმნის. არასწორად დამუშავებული და მოპოვებული სტატისტიკით ხშირად მანიპულირებენ სათამაშო ბიზნესის წინააღმდეგ. აზარტული თამაშების საქმიანობით დაკავებული საწარმოების საქმიანობის შეფასება დაიწყო ახალი მეთოდოლოგიით, რამაც მნიშვნელოვანი გავლენა მოახდინა შესაბამისი

სექტორის საწარმოების ბრუნვის მოცულობაზე. 2018 წლიდან ბრუნვის მოცულობა განისაზღვრება ყოველ ჯერზე დადებული ფსონების ჯამით. სათამაშო ბიზნესის წინააღმდეგ მცდარი სტატისტიკა წარმოიშობა და რიცხვებით მანიპულაცია ხდება. კონფერენციის მიზანია მედიის სფეროს წარმომადგენლებს უკეთესად გააცნოს დათვლის ახალი მეთოდოლოგია და ცხადად აჩვენოს განსხვავება ბრუნვის მოცულობასა და შემოსავალს შორის. კონფერენციას გახსნის საქართველოს სათამაშო ბიზნესის ასოციაციის ადმინისტრაციის ხელმღვანელი გიორგი მამულაიშვილი, რომელიც განიხილავს საერთაშორისო IFRS - ზე დაყრდნობით თუ რა არის რეალური შემოსავალი სათამაშო ბიზნესით დაკავებული საწარმოებისთვის. ასევე რა ოდენობის გადასახადს იხდიან აღნიშნულ საწარმოები ბოლო წლების განმავლობაში სახელმწიფო ბიუჯეტში. გარდა ამისა კონფერენციაზე სიტყვით გამოვა სათამაშო ბიზნესის ასოციაციის პარტნიორი ორგანიზაცის საქსტატის აღმასრულებელი დირექტორი გოგიტა თოდრაძე, რომელიც მეთოდოლოგიურ თავისებურებებზე ისაუბრებს, კონფერენციის მესამე სპიკერი იქნება Random Systems-ის ექსპერტი იურიდიულ საკითხებში ზაზა ბარამიძე.