სათამაშო ბიზნესოპერატორებს ფულის გათეთრებისა და ტერორიზმის დაფინანსების წინააღმდეგ ბრძოლის ევროპული მიდგომები გააცნეს

ევროკავშირისა და ევროსაბჭოს ეგიდით პარტნიორობა კარგი მმართველობისთვის 15-16 ოქტომბერს თბილისში კონფერენცია გაიმართა, სადაც კორუფციის, ფულის გათეთრებისა და ტერორიზმის დაფინანსების წინააღმდეგ ბრძოლისა და პრევენციის სისტემების გაუმჯობესებაზე ისაუბრეს.

ტრენინგს პროექტის ფარგლებში ელენ ოლტი (კუნძული მენი) და ფრედერიკ კოტალორდა (მონაკო) უძღვებოდნენ. მათ დარგში დასაქმებულ კომპანიებსა და სათამაშო ბიზნესის რეგულატორებს ფულის გათეთრებისა და ტერორიზმის დაფინანსების წინააღმდეგ ბრძოლის მიმართულებით არსებული მოთხოვნები და მათი გამოყენების გზები გააცნეს.  ყურადღება გაამახვილეს რისკების შეფასების ტიპებსა და ტექნოლოგიებზე, კლიენტის სათანადოდ შემოწმების პრაქტიკულ ხერხებსა და საეჭვო აქტივობებზე.

კონფერენციამ 2 დღეს გასტანა და როგორც მონაწილეებმა აღნიშნეს, საკმაოდ საინტერესო და  ინფორმაციული აღმოჩნდა. მათი თქმით, საერთაშორისო გამოცდილება ყოველთვის საყურადღებოა.